Bayaw ng Sayyaf founder tiklo

MANILA, Philippines - Naaresto ng mga awtoridad ang bayaw ni Abdurajak Abubakar Janjalani, ang notoryus na yumaong lider na nagtatag ng grupo ng mga bandidong Abu Sayyaf sa isinagawang operasyon sa lalawigan ng Basilan kahapon ng umaga. Kinilala ni Task Force Basilan Commander Col. Alexander Macario ang nasakoteng suspek na si Jahari Idris, isa ring hardcore na miyembro ng Abu Sayyaf. Bandang alas-5:30 ng umaga ng masakote ang suspek sa operasyon ng tropa ni Macario sa hideout nito sa Brgy. Tandu Ahas sa Lamitan City. Ang suspek ay inaresto base sa ipinalabas na warrant of arrest ng korte. Kasalukuyan ng sumasailalim sa masusing tactical interrogation ang nasakoteng suspek.