Planong suicide ipinaskel sa Facebook

BULACAN ,Philippines  — Isang 13-anyos na high school student na sinasabing hindi nakayanan ang pagmamaltrato ng kanyang ama ang nagbigti sa loob ng kanilang tahanan sa Barangay San Pascual sa bayan ng Hagonoy, Bulacan kamakalawa ng gabi.

Sa ulat na nakarating kay P/Supt. Rolando Santos, dakong alas-10:30 ng gabi nang natagpuan ng nakakatandang kapatid na babae ang katawan ng biktima na nakabitin sa beranda ng kanilang bahay.

Nagawa pang itago ng kanyang mga kaanak ang motibo ng suicide subalit sa impormasyong naibigay ng ilang kapitbahay ay natuklasang matinding galit sa sarili nitong ama ang isa sa dahilan.

Nagawa pang ipaskel sa Facebook ang problema ng biktima at maging ang planong pagpapakamatay nito. Nabatid na sinubukan ng ilang kaibigan na pigilin ang planong suicide ng biktima subalit natuloy din kung saan natagpuan ang suicide note.