Trader nagbaril sa sarili

CAVITE, Philippines – Isang 51-anyos na negosyante ang iniulat na nagbaril sa sarili at nasawi matapos akalaing napatay niya ang sariling syota sa Barangay Bulihan, Silang, Cavite kamakalawa. Kinilala ng pulisya ang nag-suicide na si Sergio Biglaen ng Greenville Subd. sa Brgy Malagasang 2B, sa bayan ng Imus, Cavite. Samantala, ginagamot naman sa UMC sa Dasmariñas City ang nakaligtas sa tatlong bala ng baril sa kaliwang dibdib si Rosemarie Dela Cruz, 21, ng Barangay Bulihan. Batay sa ulat ni PO2 Primitivo Cante, nagkasigawan ang magsyota kung saan humantong sa pamamaril ng lalaki sa babae. Gayon pa man, sa pag-aakalang napatay ang biktima ay nagbaril sa sarili si Biglaen.