Konsehal todas sa ambush

LAGUNA, Philippines — Patay ang isang city councilor habang sugatan naman ang kanyang driver matapos tamba­ngan ng hindi pa naki­kilalang mga suspek sa lungsod ng Biñan kama­ka­lawa ng hapon.

Kinilala ni Superinten­dent Joel Pernito, hepe ng Biñan PNP ang mga biktimang sina City Councilor Diego­ Casas at ang kanyang driver na si Luisito Caipan ng nasabing lungsod.

Ayon sa report, papauwi na sina Casas sakay ng Toyota Revo nang tamba­ngan ng 2 armadong suspek na sakay ng isang mo­torsiklo pagsapit sa may Juvilation Subdivision, Ba­rangay Zapote, Biñan, Laguna bandang alas-5:10 ng hapon.

Naisugod pa sa Perpe­tual Help Hospital sina Casas at Caipan pero idi­nek­larang patay ang konsehal dahil sa mga tinamong tama ng bala sa kanyang katawan.

Nagtamo naman ng su­gat si Caipan at kasalukuyang nagpapaga­ling sa na­sabing ospital.