Kinidnap na nurse nasagip

MANILA, Philippines - Sa loob lamang ng 24 oras, nailigtas ng mga aw­toridad sa kamay ng mga kidnapper ang isang nurse na anak ng dean ng isang unibersidad sa Da­gupan City sa isinagawang rescue operations sa Agoo, La Union, ayon sa opisyal kahapon.

Ayon kay Supt. Romeo Caramat Jr., Director ng Da­gupan City Police, ban­dang alas-9 ng umaga ni­tong Sabado ng masagip ang biktima sa simbahan sa Agoo, La Union.

Bago ito ay dumulog kamakalawa ng gabi ang pamilya ng 26-anyos na biktimang ipinatago ng pamilya nito sa pangalang Dorothy sa takot na buwel­tahan ng mga kidnappers hinggil sa pagdukot sa kanilang anak na hinihi­ngan pa ng P1 M ransom.

Ang biktima ay nagpa­alam pa sa kaniyang mga magulang na mag­sho-shopping sa Nepo Mall sa Dagupan City pero na­ bigo ng makabalik ng ka­nilang tahanan hang­gang sa ku­montak ang mga kidnapper.

Nang matunton ang ki­naroroonan ng biktima ay agad na nagsagawa ng rescue operations ang mga awtoridad na nagresulta sa pagkakabawi dito matapos na abandonahin ng mga kidnappers.