5-anyos pinatay sa bugbog ng 2 kuya

MANILA, Philippines - Isang 5-anyos na babae ang pinatay sa bugbog ng dalawa nitong kapatid na menor-de-edad matapos paluin ng kahoy at ihulog sa hagdan ang una kama­kailan sa Calatrava, Neg­ros Occidental.

Kinumpirma ni Inspector Ramil Saro, Caltrava police chief, na ang bik­timang iti­na­go sa pa­ngalang Dolly ay binugbog at napatay ng mismong mga kapatid ni­tong kapwa menor-de- edad.

Sinabi ni Insp. Saro, kamakalawa lamang inire­port sa pulisya ang insi­dente ng kapitbahay dahil sa takot ng mga magulang na makulong din ang 2 ni­tong anak na sina Jim­boy, 12-anyos at Allan, 10-an­yos na siyang bumug­bog at nakapatay sa biktima.

Ayon kay Saro, nag­ta­mo ng mga pasa at sugat sa katawan ang biktima matapos itong paluin ng kahoy saka hinulog sa hagdan ng 2 nitong kapatid na menor-de-edad.

Wala sa kanilang taha­nan sa Sityo Minabuno, Barangay Bantayon ang ina ng bata na si Arlene Lumanat dahil naglala­ bada ito sa Poblacion nang mang­­yari ang insidente kamakailan.

Nakita na lamang ng ina na naghihingalo na ang biktima sa matinding palo at hindi na ito nadala sa pagamutan at sa takot na makulong ang 2 nitong anak ay hindi na ito nag­report sa pulisya.

Napag-alaman ng pul­is­ya na nakikita ng mga bata kung paano mag-away ang kanilang mga magulang kaya ginaya ito ng mga anak hanggang sa ma­patay ang biktima ng mis­mong mga kapatid nito.

Dinala ang mga suspect na kapwa menor-de-edad sa Department of Social Welfare and Development (DSWD) para sa counse­ling matapos mapatay nito ang kanilang kapatid dahil lamang sa hindi pagsunod sa kanilang utos. (with trainess Mary Ann Chua/Mary Joy Mondero)