Libreng operation sa mga bingot

RIZAL – Magsasagawa ng libreng serbisyo-medi­kal at operasyon ang pan­lalawigang pamahalaan ng Rizal para sa mga maralita na may depekto sa cleft lip at palate (bingot).

Sa nilagdaan memorandum of agreement nina Rizal Gov. Jun Ynares III, Phil. Ame­rican Group of Educators and Surgeons (PAGES) at ang pamunuan ng Thunderbird Resorts, Inc., layuning ma­big­yan ng libreng serbisyo-medi­kal at operasyon ang mga ma­hihirap na pasyen­teng may depekto.

Napag-alamang mag­pa­padala ng mga gamot at gamit medical ang PAGES partiku­lar na ang pangkat ng medical professionals na magsa­sagawa ng surgical mission sa Pebrero 11-16, 2009 sa Rizal Provincial Hospital sa Morong.

Nagbigay naman ng P.4 milyong halaga ang Thun­derbird Resorts, Inc., sa pa­ngunguha ng kanilang vice president for operations na si Raul Suerio kay PAGES coordinator Ricar­do Ful­gencio para sa freight and shipment charges ng mga container vans mula sa Ohio, USA na naglalaman ng mga medical and surgical supplies at kagamitan para sa outreach program.

Sa mga pasyente at gru­pong interesado sa libreng operasyon, maki­pag-ugna­yan sa tel. # 653-1054/653-1055.