NPA attack: Anak ng kabesa todas

Napaslang ang anak na lalaki ng isang brgy chairman  habang nasuga­tan naman sa engku­wen­tro sa mga nagrespondeng awto­ ridad ang dalawang ku­mander ng mga rebel­deng New People’s Army (NPA) kamakalawa sa bayan ng Malita, Davao del Sur.

Kinilala ang nasawing biktima na nagtamo ng tama ng bala sa ulo at hita ay nakilalang si Roy Garcia, 11, anak ni Brgy. Tical Chairman Romeo Garcia. 

Batay sa report ng AFP- Eastern Mindanao Command, naganap ang insi­dente dakong alas-6 ng umaga nang lusubin ng mga rebeldeng ang bahay ni Chairman Garcia sa Barangay Tical ng nasa­bing bayan.

Ayon kay Col. Lyndon Panisa, commander ng Army’s 39th Infantry Battalion, lumaban ang mag-ama sa mga rebelde bago pa man dumating ang nag­respondeng mga brgy. tanod at ang mga tauhah ng 1104th Provincial Police Mobile Group.

Gayon pa man, mina­las na tinamaan sa ulo at hita ang biktimang si Roy na nasawi nang isugod sa  Davao Medical Center  sa Davao City.

Sa putukan ay nasuga­tan din ang dalawang opis­yal ng NPA rebs na tinukoy sa mga alyas Kumander Ju­nior at Kumander Vevian.

Narekober naman ang  isang granada, mga basyo ng bala ng  M14, M16 Ar­ma­lite riffle, at .45 caliber pistol, holster ng .45 caliber pistol, towel na may panga­lang Vevian at Jerry at apat na T-shirt. (Joy Cantos)