Mag-utol na-rescue sa kidnaper

Nailigtas ng Philippine Marines ang mag-utol na ki­nid­nap ng mga armadong ka­lalakihan na pinaniniwa­laang may ugnayan sa mga bandi­dong Abu Say­yaf Group (ASG) sa isina­ga­wang search and rescue operations sa bayan ng Patikul, Sulu kaha­pon ng madaling-araw.

Kinilala ni Navy Spokes­man Lt. Col. Edgard Are­valo, ang magkapatid na sina Ben Austine, 2 at Be­nedict, 3, kapwa anak ng mag-asa­wang trader na sina Bien­venido at Elena Dayola.

Ang mga biktima ay na­sagip ng Marine Battalion Landing Team (MBLT) 6  sa ilalim ni Lt. Col. Jimmy La­rida sa Barangay Anuling sa bayan ng Pati­kul dakong alas-4:30 ng madaling-araw.

Sumasailalim naman sa tactical interrogation ang dala­ wang suspek na sina Jamiri Ja­li­san at Hul­mina Hatae, biyenan at asawa ng lider ng mga kidnaper na si Hajal Hatae.

Si Hatae ay kilalang ka­alyado nina Sulu based ASG leader Radulan Sahi­ron, alyas Commander Pu­tol, Al­bader Parad at Ga­afur Jum­dail, alyas Doc Abu Pula.

Gayunman, nakatakas sa ope­ rasyon si Hajal na pina­nini­walaang natunu­gan ang pre­sensya ng Philippine Marines.

Ayon sa ulat, ang mag­ka­patid ay kinidnap ng grupo ni Hatae noong Set­yembre 16 sa Brgy. Kaku­yagan, Patikul Sulu may isang linggo na ang naka­lipas kung saan humi­hingi ng P1 milyong ransom ka­palit ng pagpapalaya.

Sa halip na magbayad ng ransom ay idinulog ng mga magulang ng magka­patid ang problema sa MBLT 6 na agad namang nagsagawa ng rescue operations.

Napilitan naman ang mga kidnapper na paka­walan ang mga bihag ma­tapos na ma­ batid na napa­palibutan ng mga sundalo ang tatlong bahay na pi­nag­tataguan sa mga bihag. Joy Cantos