Preso todas sa jail riot

Napaslang ang isang preso  nang barilin ng mga nagrespondeng mga pulis makaraang sumiklab ang isang riot sa Bohol Detention and Rehabilitation Center  sa Cabawan District, Tagbilaran City,  ayon sa ulat kahapon.

Kinilala ang nasawing preso na si Nilo Corvita na binaril ng mga pulis sa gitna ng kaguluhan.

Nabatid na pumasok ang mga pulis sa BDRC matapos ang ilang araw na standoff ng mga bilanggo.  Ayon sa reklamo ng mga jailguards, marami uma­nong pasaway na mga preso na hindi sumusunod sa kanilang mga pata­ karan.

Gayunman, bigla uma­nong nagpaputok ng kani­yang itinatagong baril si Corvita. Napilitan ang mga pulis na paputukan din si Corvita na nagresulta sa daglian nitong pagkasawi. (Joy Cantos)