Misis kinatay, lover nag-suicide

CAMP SIMEON OLA, Legazpi City – Brutal na kamatayan ang sinapit ng isang 31-anyos na misis makaraang pagsasaksakin ng kanyang lover ay nag-suicide naman ang huli sa Sea Oil Lodge sa  Mahar­lika Highway sa bayan ng Po­langui, Albay, kama­kalawa ng gabi.

Bandang alas-11:30 ng gabi nang ang mga bangkay nina Julio Sevilla, 36, hiwalay sa asawa at residente ng Barangay Sagrada sa bayan ng Libon at Salvacion San Juan, 31, may asawa at resi­dente ng Barangay Bombon sa nabanggit ding bayan.

Ayon sa hepe ng pulisya na si P/Chief Insp. Ferdinand Raymundo, huling nama­taang buhay ang magka­laguyo na nag-check-in sa nabanggit na lodge dakong alas-11 ng umaga.

Napag-alamang naka­rinig ang ilang roomboy ng animo’y nag-aaway na nagmumula sa kuwarto ng dalawa subalit binalewala nito hanggang sa nanahimik.

Dahil sa inabot na ng dilim sa kuwarto ang dalawa at lumampas na sa itinak­dang oras ay nagdesisyong katukin ito ng roomboy su­balit walang sumasagot.

Napilitang buksan ng roomboy ang kuwarto sa pamamagitan ng duplicate key at lumantad ang du­guang katawan ng babaeng naka­higa sa kama habang ang lalaki naman ay nakabitin.

May teorya ang pulisya na ibig makipaghiwalay ng isa sa dalawa kaya nauwi sa matinding komprontasyon hanggang sa maganap ang krimen.