Hotel cashier utas sa holdap

CAMP VICENTE LIM, Laguna – Brutal na kamatayan ang sinapit ng isang hotel cashier makaraang pagsasaksin ng ‘di-pa kilalang lalaki  sa Barangay Bagong Kalsada sa Calamba City, Laguna kamakalawa.

Kinilala ni P/Senior Supt. Felipe Rojas Jr., Laguna police director, ang biktimang si Jenny Palma, 38, ng Purok 5 sa Barangay Sucol, Calamba City at kahera sa Garden Inn Motel sa nabanggit na barangay.

Ayon sa ulat, habang nag-iisa ang biktima sa nasabing motel, pinasok ito ng mga ‘di-kilalang lalaki at pinag­sasaksak hanggang sa mamatay bago tangayin ang hindi pa maba­tid na halaga bandang alas-5 ng umaga.

Sa salaysay ng mga saksi, huling namataan ang biktima na nakikipag-kwentuhan sa isang lala­king kinilalang si Ranillo Baral bago ito natagpuang patay sa na­sabing hotel.

Pinaghahanap na ngayon ng mga awtoridad si Ba­ral para kunan ng salaysay kaugnay sa naganap na krimen. (Arnell Ozaeta)