23 sakong pekeng VCDs nasamsam

CAMP SIMEON OLA, Legazpi City – Umaabot sa dalawampu’t tatlong sako ng piniratang video compact disc (VCD) ang kinumpiska ng mga tauhan ng Optical Media Board at pulis-Tabaco City makaraang salakayin ang siyam na tindahan sa nabanggit na lungsod kamakalawa.

Hindi binanggit sa ulat kung sasampahan ng kaukulang kaso ang mga may-ari ng tindahan sa lantarang pagbebenta ng pekeng VCDs at DVDs. Ayon kay Sergio Valdez ng Optical Media Board, patuloy na nagsasagawa ng serye ng operasyon sa Kabikulan laban sa mga ibinebentang pekeng VCDs/DVDs. (Ulat ni Ed Casulla)