11 preso pumuga

CAMP CRAME — Labing-isang preso na may iba’t ibang kasong kinakaharap ang iniulat na pumuga sa reformatory jail na sakop ng Barangay Tinago, Ozamis City, Misamis Occidental kamakalawa ng madaling-araw.

Kabilang sa mga presong tinutugis ng pulisya ay nakilalang sina Joseph Anare; Melchor Biliran; Junivie Dias; Julieto Lumbayong; Warwar Mansan; Randy Perocho; Gedage Odo; Aner Guiniran; Reynaldo Tanguamos; Albert Villamor at Jesse Victoria.

Sa ulat, bandang ala-1:30 ng madaling-araw nang wasakin ng mga preso ang rehas na bakal at nadiskubre lamang ang jailbreak matapos na magsagawa ng head counts ang jail warden. (Ulat ni Joy Cantos)