Sayyaf sub-kumander nalambat

CAMP AGUINALDO – Bumagsak din sa kamay ng mga awtoridad ang itinuturing na palos na sub-kumander ng grupong Abu Sayyaf makaraang salakayin ang pinagkukutaan nito sa Scott Road, Jolo, Sulu kamakalawa.

Kasalukuyang naghihimas ng rehas na bakal sa Marine Area Research and Coordinating Center ang suspek na si Javier Soriano, alyas Jojo Rasul. Ayon sa ulat, si Soriano na may patong sa ulo na P150,000 at tauhan ni Kumander Robot ay dinakip ng mga tauhan ng 3rd Marine Brigade sa bisa ng warrant of arrest. (Ulat ni Joy Cantos)