Trader itinumba habang papauwi

CABANATUAN CITY – Isang 36-anyos na nagosyante ang iniulat na nasawi makaraang barilin ng nakaalitan ng kapatid nito habang ang biktima ay naglalakad papauwi sa Barangay Valle Cruz ng lungsod na ito kamakalawa ng gabi.

Napuruhan sa kaliwang panga na tumagos sa leeg ang ikinamatay ni Celerino dela Cruz, samantalang tinutugis naman ang suspek na si Philip Legaspi, 26, may asawa, traysikel drayber at dalawang kasama nitong sina: Edwin Sanguyo at Ed Santos.

Bandang alas-8:15 ng gabi nang paslangin ang biktima matapos na makipag-inuman ang suspek sa mga kaibigan at makagalit ang utol ni Celerino na si Marcelino dela Cruz. Agad na tumakas ang mga suspek sakay ng Nissan Maxima (DGK-766) at narekober naman sa Barangay Aduas Norte. (Ulat ni Christian Ryan Sta. Ana)