15-anyos na estudyante ni-rape/slay ng addict

Camp Crame – Masaklap ang sinapit na kapalaran ng isang 15-anyos na estudyanteng babae matapos na halayin ng di pa nakilalang lalaki na hinihinalang bangag sa droga sa Butuan City kamakalawa ng gabi.

Nasa ‘state of shock’ ngayon ang biktimang itinago sa pangalang Annie.

Pinaghahanap naman ang suspek na kinilalang si Luisito Boboy alyas Loloy, umano’y isang kilalang drug addict sa kanilang lugar.

Batay sa ulat, pasado alas- 6 ng gabi habang ang biktima ay naglalakad pauwi na sa kanilang tahanan nang harangin ng suspek sa Purok Masigla, Brgy. Matin-ao, Mainit, Surigao del Norte.

Kinaladkad umano ng suspek ang biktima patungo sa kahuyan at doon ginahasa.

Natagpuan naman ng ilang mga residenteng napagawi sa lugar ang nakatulalang biktima na nagpunit-punit ang damit na siyang naghatid sa dalagita sa kanilang tahanan. Ang kasong ito ay patuloy na iniimbestigahan ng pulisya. (Ulat ni Joy Cantos)