Chop-chop na katawan ng preso natagpuan

TANAUAN CITY, Batangas – Ilang bahagi ng katawan kabilang ang ulo mula sa presong pumuga may pitong araw na ang nakalilipas ang iniulat na natagpuan sa Barangay Altura Bata sa lungsod na ito kahapon ng umaga.

Sa tulong nina Batangas provincial jail officer Rosalio Alano at Froilan Tapunan ay positibong kinilala ang mga bahagi ng katawan ni Rogelio Regala, 18, na may kasong rape with homicide na pumuga noong Huwebes.

Sinabi ni P/Supt. Efren Ramos, hepe ng pulisya sa lungsod na ito, ang ulo ni Regala ay nadiskubreng nakabalot sa itim na plastic bag malapit sa bahay ni SPO4 Damaso Maunahan.

Samantala, dalawang oras makalipas na matagpuan ang ulo ni Regala ay kaliwang hita at braso naman ang natagpuan sa kahabaan ng Barangay Santor malapit sa bahay ni P/ Insp. Eulalio Lucido habang hinahanap pa ang ibang bahagi ng katawan ng biktima. (Ulat ni Arnell Ozaeta)