Lolo todas sa gulpi

Isang 75-anyos na lolo ang iniulat na napatay makaraang maaktuhang nakikipagtalik sa live-in partner ng iba sa bakanteng kubo na sakop ng Sitio Batong Dalig, Barangay San Juan, Taytay, Rizal.

Ang biktimang si Juan Francisco ng Teodoro Street, Barangay San Juan ay ginulpi at pinagpapalo ng suspek na si Bobby Baroga, 34 ng Sitio Bagong Silang, San Juan.

Napag-alaman sa pulisya na live-in partner ng suspek ang kapareha ng biktima na si Irene Sumang, 30 at dahil sa matinding pangangailangan ay pumayag ang babae sa ibinigay ng lolo na P100 kapalit ng kanyang puri.

Ayon kay SPO1 William Tecson, dakong alas-4 ng hapon nang sundan ng suspek ang dalawa sa bakanteng kubo at naaktuhan nito na nagtatalik ang dalawa. (Ulat ni Ed Amoroso)