Baliw na nakapatay sa paslit, patay sa pulis

PAGBILAO, Quezon – Napilitang barilin at napatay ng pulis ang isang baliw na lalaki na nang-hostage saka sinaksak at napatay ang isang 12-anyos na batang lalaki sa harapan ng simbahan ng Brgy. Sta. Catalina kamakalawa.

Hindi na umabot pa ng buhay sa Jane County Hospital ang hinostage na batang lalaki na nakilala lamang sa alyas na Meliton, samantala, kinilala ang nang-hostage na si Jerson Trinidad, 25, binata ng Purok Sta. Teresa, Brgy. Dalahican, Lucena City.

Sa ulat na isinumite kay Quezon PNP Provincial Director P/Supt. Roberto Rosales, naganap ang pangyayari dakong alas-12:15 ng tanghali makaraang magsuplong sa mga awtoridad ang ina ni Jerson na si Nita Rosenilla Trinidad, 59 na ibig siyang patayin ng kanyang anak na baliw ngunit nang-hostage ng bata at tumagal ng may dalawang oras ang negosasyon bago naganap ang pangyayari. (Ulat ni Tony Sandoval)