Misis tinigok sa bahay ng live-in partner

KAMPO HEN. ALEJO SANTOS, Bulacan – Isang 35-anyos na misis ang iniulat na pinagbabaril hanggang sa mapatay ng hindi kilalang lalaki habang nagpapalipas ng magdamag sa bahay ng umano’y kanyang kalaguyo sa Brgy. Bunga Menor, Bustos ng nabanggit na lalawigan kamakalawa ng madaling araw.

Kinilala ni SPO3 Eduardo Castro ang biktima na si Ruth Baluyot ng 302-C Damaso St., Brgy. Virgen delos Flores, Baliuag, Bulacan.

Sa ulat kay Bulacan PNP Provincial Director P/Sr. Supt. Edgardo Acuña, kasalukuyan umanong nasa bahay ng isang nagngangalang Danilo Cruz ang biktima nang patayin na naganap dakong ala-1:30 ng madaling araw at inaalam ng pulisya kung may kinalaman ang relasyon ng biktima kay Cruz ang naging motibo ng krimen. (Ulat ni Efren Alcantara)