1.4 milyong pamilyang Pinoy biktima ng ‘common crimes’

MANILA, Philippines — Maraming pamil­yang Pinoy ang naging biktima ng “common crimes” batay sa resulta ng September 2018 Social Weather Stations (SWS) survey na ipinalabas kamakalawa.

Nasa 1.4 milyong pamilya o 6.1 percent ang naging biktima ng “common crimes” tulad ng pickpocketing, robbery, pagpasok sa kanilang mga bahay, carnapping, at physical violence sa nakalipas na 6 na buwan.

Ito ay tumaas dahil sa 1.2 milyon pamilya o 5.3 percent ang napaulat na biktima ng common crimes noong Hunyo ng nakalipas na taon.

Nasa 1.3 milyon pa­­milyang Pinoy ang nabiktima ng property crimes tulad ng snatching, akyat bahay, at carnapping sa nakalipas na 6 buwan na tumaas dahil 1.2 pamil­yang Pinoy ang nabiktima noong Hunyo.