Drug bust: AWOL na pulis, 1 pa napatay
MANILA, Philippines - Napatay ang dalawang pinaghihinalaang notoryus na drug pusher kabilang ang isang Absence Without Official Leave na pulis matapos na mauwi sa shootout ang drug bust operation kahapon ng madaling araw sa Brgy. Tucod, San Rafael, Bulacan.
Ang napatay na AWOL na parak ay si PO1 Edison Liwag, dating kasapi ng Provincial Public Safety Company, Bulacan Provincial Police Office (PPO).Habang inaalam ang pagkakakilanlan ng kasamahan nitong nasawi din.
Batay sa ulat, bandang alas-12:15 ng hapon nang magsagawa ng drug buy bust operation ang mga elemento ng Bulacan-San Rafael Police Station laban sa notoryus na drug gang na pinangungunahan ni PO1 Liwag.
Gayunman sa halip na sumuko ay kumasa ang mga suspek sa mga operatiba ng pulisya na nauwi sa shootout sa pagitan ng magkabilang panig at napatay ang dalawa habang inaresto rin ang live in partner ni Liwag na nahuli sa aktong nagbebenta ng illegal na droga.
Nasamsam sa pinangyarihan ng shootout ang dalawang Pietro Beretta 9 Mm, isang cal.38 at ilang sachet ng shabu.
- Latest
