Takbo sa Tag-ulan

MANILA, Philippines - Idaraos ang Takbo sa Tag-ulan sa temang “Tayo Na, Takbo Tayo, Tumulong at Mag-ehersisyo Habang Umuulan,” na katatampukan ng 5km at 10km distansiya sa paligid ng Quezon Memorial Circle ng Elliptical Road, Quezon City na layuning makatulong sa bata mula sa Batang Lansangan na may sakit at mga miyembro ng media na dina-dialysis.

Tatanggap ng event medals ang unang 50 kalahok na tatawid ng meta kung saan ang kampeon sa dalawang ruta ay may P3,000, P2,000  sa 2nd place at P1,000 sa 3rd place sa karerang suportado ng  Best Herbal Oil, Yamaha, Goldi-locks at MyPhone.

Sa isang grupo na binubuo ng sampung mananakbong magpapatala sa 5-km. (P550) at 10-km. (P600), libre ang isa na may kasamang singlet.

Para sa iba pang impormasyon, makipag-ugnayan sa 0930-2550776 / 0932-3971285 o mag-email sa [email protected].