Pacquiao pagreretiruhin na ni Rios sa Nov. 24

MANILA, Philippines - Kagaya ng dapat asahan, muling ipinagyabang ni Brandon ‘Bam Bam’ Rios na siya ang bok­si­nge­­rong magtutulak kay Man­­ny Pacquiao upang mag­retiro sa boxing.

Sa isang panayam, si­nabi ni Rios na ang kanyang knockout victory kay Pacquiao ang siyang mag­paparetiro sa Filipi­no world eight-division cham­pion.

“What am I going to do? I am going to have to beat Pacquiao. Maybe he will retire after that we don’t know,” wika ni Ri­os. “But I am going to go over there and do what I have to do and beat him and come out as the winner.”

Maglalaban sina Pacquiao at Rios para sa World Boxing Organization (WBO) International wel­terweight crown sa Nob­yembre 24 sa The Ve­ne­tian sa Macau, China.

Walang ibang nasa isip ang 27-anyos na si Ri­­os, ang dating WBO light welterweight titlist, kun­di ang pabagsakin ang 34-anyos na si Pacquiao.

“If I beat him convin­cingly and knock him out, maybe he will retire. Two big knockouts could hurt him,” ani Rios.

Ayon pa kay Rios, nag­wakas na ang makulay na boxing career ni Pac­quiao nang mabigo ki­na Timothy Bradley, Jr. at Juan Manuel Marquez no­ong nakaraang taon.

Natalo si Pacquiao kay Bradley sa isang kontro­bersyal na split decision kung saan inagaw ng huli ang hawak niyang WBO welterweight belt noong Hunyo 9, 2012.

Pinatumba naman siya ni Marquez sa sixth round sa kanilang pang-apat na pag­tatagpo noong Dis­yem­­­­bre 8, 2012.