Spinning Ridge pumuwesto sa No. 2

MANILA, Philippines - Panalong nakuha sa ikat­lo at huling yugto sa 2013 Philracom Triple Crown Championship ang nakatulong para ma­bawi ng Spinning Ridge ang ikalawang puwesto sa hanay ng winningest horse matapos ang buwan ng Hulyo.

Dinomina ng Spinning Ridge na ginabayan ni John Alvin Guce, ang nasa­bing karera na pinag­labanan sa 2000-metro pa­ra maibulsa ang P1.8 mil­yon na unang gantimpala.

Ikaapat na panalo ito ng kabayo bukod sa dalawang tersero puwesto at ang halagang naipasok ay nagpasok sa Spinning Ridge ng P3,961,541.19 ki­ta.

Hindi naman natitinag ang Hagdang Bato na ka­hit ipinahinga sa nagdaa­ng buwan  ay walang na­kaabot sa naipundar na P4,420,000.00 prem­yo matapos ang tatlong tak­bo.

Ang Diving Eagle na na­kabuntot sa Hagdang Ba­to matapos ang buwan ng Hunyo pero ipinahinga ng connections sa buwan ng Hulyo, ay bumaba sa ikatlong puwesto sa P2,219,160.68 kinita m­a­tapos ang apat na panalo at isang segundo.

Nanatili ang Be Humble at Jazz Connection sa ikaapat at limang puwesto at ang Be Humble ay may­roon ng P1,856,086.36 sa tat­long panalo, tatlong se­gundo at isang kuwarto pu­westo pagtatapos, habang ang Jazz Connection na nanalo ng isang takbo ay may P1,729,689.91 kinita na sa anim na panalo, 2 segundo at 6 na tersero puwestong pagtatapos.

Hindi rin natinag ang Show Me The Money, Snake Queen at Esprit De Corps sa ikaanim hang­gang ikawalong puwes­to, habang ang Esprit De Corps ang nalagay sa ika­-siyam na puwesto na da­ting okupado ng Bark­ley na bumaba sa pang-sam­pung puwesto.

Nanatili ang kita ng Show Me The Money sa halagang  P1,364,302.03 (8-6-2-1)  at El Libertador sa P1,350,000.00 (2-1) da­hil hindi ito tumakbo sa nag­daang buwan.