Yap maglalaro sa kanyang ika-10 sunod na All-Star

MANILA, Philippines - Isang PBA record na pang-sampung sunod na beses nang magiging starter ng PBA All-Star Game si James Yap ng San Mig Coffee.

Pangungunahan nina Yap at ang reigning lea­gue MVP na si Mark Ca­guioa ng Barangay Gi­nebra ang mga PBA All-Stars na lalaban sa Gilas Pi­lipinas sa annual All-Star Game na gaganapin sa Digos City sa Mayo 5.

Mula nang pumasok sa PBA bilang No. 2 over­all pick ng Purefoods sa likod ni Rich Alvarez ng Shell, naging starter na sa All-Star Game si Yap kahit ano pa man ang na­ging format ng All-Star Game – North vs South, Ve­terans vs. Rookies-So­phomores-Juniors o National team kontra sa PBA All-Stars.

Si Yap at si Jimmy Ala­pag, kabilang sa 17 pla­yers na nasa National team pool ni head coach Chot Reyes, ay masasa­ma sa maliit na grupo ng mga players sa buong kasaysayan ng PBA All-Star Game na nakapag­laro sa higit sa 10 ASG na sina Alvin Patrimonio at Asi Taulava (tig-12), Dondon Hontiveros at Jer­ry Codiñera (tig-11) at Ver­gel Meneses at Dindo Pumaren (tig-10).

Noong nakaraang taon sa Laoag City ay nagtala ng All-Star Game record na 44 points si Yap para magbida sa 176-144 pa­na­lo ng Veterans laban sa Rookies-Sophomores-Juniors All-Stars.

Bukod kina Yap at Ca­guioa, ang ibang starters ng PBA All-Stars ay si Arwind Santos ng Petron Blaze at sina rookies Calvin Abueva ng Alaska at Chris Ellis ng Gi­nebra.

Ang magiging off-the-bench players naman ng All-Star selection ay sina Niño ‘KG’ Canaleta ng Air21, Marcio Lassi­ter, Alex Cabagnot at Jay Wa­shington ng Petron Blaze, Cyrus Baguio at Jvee Ca­sio ng Alaska at Beau Bel­ga ng Rain or Shine.

Bukod kay Alapag, ang iba pang players na na­sa Gilas Pilipinas pool ay sina naturalized player Mar­cus Douthit, Kelly Wil­liams, Ranidel de Ocampo, Jayson Castro, Jar­red Dillinger, Larry Fo­nacier at Ryan Reyes ng Talk ‘N Text, Jeff Chan at Gabe Norwood ng Rain or Shine, LA Tenorio ng Barangay Ginebra, rookie June Mar Fajardo ng Petron Blaze, Marc Pingris ng San Mig Coffee, Gary David at Japeth Aguilar ng Globalport, Sonny Thoss ng Alaska at cadet player Greg Slaughter.

Ang pangalawang Stal­warts vs Greats PBA All-Star ay gaganapin sa Ma­yo 3.