Higit P2 milyong marijuana samsam sa Dasma
![Higit P2 milyong marijuana samsam sa Dasma](https://media.philstar.com/photos/2024/07/20/3_2024-07-20_21-32-44.jpg)
CAVITE, Philippines — Aabot sa mahigit P2 milyong halaga ng Marijuana Kush at liquid marijuana ang nakumpiska sa isang big-time drug pusher sa inilatag na buy-bust operation ng mga awtoridad kamakalawa ng gabi sa Brgy. Victoria Reyes. Dasmariñas City.
Arestado ang suspek na kinilala sa alyas na “Bob”, nasa hustong gulang, kabilang sa High Value Individuals (HVIs) list ng pulisya at residente ng nasabing lugar.
Sa ulat ng pulisya, alas-8:45 ng gabi nang ikasa ng pinagsanib na puwersa ng Intel/City Drug Enforcement team ng Dasmariñas Component City Police Station, Provincial Drug Enforcement unit, Cavite PPO, PNP-Drug Enforcement Group-4A SOU Cavite at RIU4A-PIT Cavite, ang isang malakihang drug bust target ang suspek .
Sa Barangay Victoria Reyes, isinagawa ang drug deal na ikinaaresto agad ng suspek.
Narekober sa suspek ang may 32 piraso ng may black label cart liquid marijuana; 27 piraso ng may white label cart liquid marijuana na aabot sa halagang P21,632; 3 malalaking zip lock plastic ng high grade marijuana o kush na may timbang na 1,020 gramo at may halagang P1,700,000; isang brick ng marijuana; 2 malaking plastic zip lock ng dried leaves marijuana; 2 clear wrap dried leaves marijuana; 2 brown packaging tape na may mga dahon ng marijuana at mahgit 5000 gramong marijuana na may halagang P600,000.
Narekober din sa suspek ang 7 piraso ng tig-1,000 peso bill na boodle money at isang genuine P500.
- Latest