Tamang pagkain kung may arthritis

SA arthritis, nasisira ang cartilage sa araw-araw na paggamit. Ayon sa pag-aaral, ang free radicals ay maaaring ata­kihin ang selula, tumaas ang pamamaga, at mapabilis ang proseso ng pagtanda, kabilang ang pagkasira ng joints at cartilage. Kaya naman maganda na idagdag sa lutuin ang maraming anti-oxidants na makukuha sa prutas, gulay at green tea.

Narito ang mga dapat kainin:

1. Madahong gulay at citrus fruits – mayaman ang mga ito sa antioxidant na nilalabanan ang mga free radicals at tumutulong para protektahan ang joints. Ang taong may­roong arthritis ay kinakailangan makakuha ng mas maraming anti­oxidants, lalo na ang vitamin C at beta-carotene mula sa pagkain. Ang vitamin C sa citrus na prutas katulad ng dalan­dan, suha, calamansi, lemon at orange. May antioxidant na mata­tagpuan sa madadahong gulay, na nagpapababa rin ng pa­nganib sa arthritis.

2. Pinya – mayroon itong bromelain, isang protein-digesting enzyme na lumalaban sa pamamaga. Ayon sa pag-aaral, mabisa ito para mabawasan ang pananakit dulot ng osteoarthritis, katulad ng rin sa pag-inom ng gamot sa kirot. Wala pang side effect ang pinya.

3. Matatabang isda tulad ng sardinas, mackerel, salmon, tuna at tamban – mayaman ang mga ito sa omega-3 fatty acids. Ito’y nagpapalakas ng produksyon sa anti-inflammatory fats na tinatawag na resolvins, na kumokontra sa pa­ma­maga.

4. Curry, turmeric at luya – lumalaban sa pamamaga sa arthritis. Ang mga ito ay may sangkap na curcumin, na pumi­pigil sa enzymes at protina na isinusulong ang pamamaga.

5. Green tea, sibuyas, strawberry, kamatis at citrus fruits – naglalaman ng quercetin. Ayon sa pag-aaral, ang quercetin ay anti-oxidant at anti-inflammatory.