Kapayapaan, kalusugan sa bawat Pilipino ngayong 2025 - Isko

MANILA, Philippines — Kapayapaan at kalusugan ang hangad ni dating Manila Mayor Isko Moreno sa bawat Pilipino ngayong 2025.

Ayon kay Moreno, sa mga alitang nangyayari sa pamahalaan man o ordinaryong Pilipino, hangad niyang magkaroon ng pagkakasundo para na rin sa pag-unlad ng bansa.

Naniniwala siyang malaki ang pag-asa at pagbabagong hatid ng taong 2025.

Tulad na rin aniya sa kanyang hangarin na muling maibalik ang kaayusan at kalinisin ng Lungsod ng Manila.

Kailangan din aniya ang pagkakaisa upang mas madaling makamit ang pagbabago at pag-unlad ng Manila.

“Sa pagkakaisa ng mamamayan sama-sama tayo na mapagtagum­payan to make Manila Great Again”, dagdag pa ni Moreno.