New Year message ni Mayor Along: Maging mabuting tao at puno ng pag-asa
MANILA, Philippines — Sa pagpasok ng taong 2025, sinabi ni Caloocan City Mayor Dale Gonzalo “Along” Malapitan na layong niyang mangibabaw ang mabubuting tao na puno ng pag-asa sa buhay.
Ayon kay Malapitan, dapat nang tigilan ang mga bangayan, paninira sa kapwa, at ang iba pang mga negatibong ugali at mas makabubuti na dalhin na lamang ang mga magagandang alaala at positibong aral na natutunan natin sa nagdaang taon.
Kasabay nito, nagpahayag din ng pasasalamat si Malapitan sa lahat ng mga Batang Kankaloo na sumuporta at patuloy na susuporta sa kanyang administrasyon.
“Maraming salamat sa taong nagdaan at sa patuloy na pagmamahal, tiwala, at pagsama nyo sa akin”, ani Malapitan
Samantala, ikinagalak din ng Alkalde na naging payapa at maayos ang pagsalubong ng nga Batang Kankaloo sa Bagong Taon. Aniya, walang insidente ng karahasan ang naitala kaugnay ng pagpapaputok.
Malaking tulong aniya ang mga paalala ng Caloocan LGU upang makaiwas sa disgrasya ang mga Batang Kankaloo.
- Latest
