SUV salpok sa center island: 5 sugatan
MANILA, Philippines - Lima katao ang sugatan nang sumalpok ang sinasakyan nilang sports utility vehicle (SUV) sa center island ng Mindanao Avenue, Quezon City, iniulat kahapon.
Ayon sa ulat ng Quezon City Police Traffic Sector 6 Jesselyn Quiambao, nakilala ang mga sugatan na sina Rogelio Maningas, 43, driver ng SUV; Chad Asiatico, 38; Edwin Garobo, 44; Jose Victoria, at Roderick Haraza.
Nangyari ang insidente sa may kahabaan ng Mindanao Avenue, sa Brgy. Tandang Sora, sa lungsod, ganap na alas-11:30 ng gabi.
Base sa pahayag ng driver na si Maningas, galing umano sila sa Quirino Highway patungong Congressional Avenue, sakay ng Toyota Fortuner nang pagsapit sa nasabing lugar ay biglang may nag-cut na pampasaherong jeepney sa kanila.
Dahil dito, kinabig ni Maningas ang kanyang manibela pakaliwa, hanggang sa rumampa ito sa center island at sumalpok sa tatlong puno.
- Latest
