200K PWDs nakinabang sa cash-for-work program ng DSWD
![200K PWDs nakinabang sa cash-for-work program ng DSWD](https://media.philstar.com/photos/2022/12/10/2_2022-12-10_23-46-56.jpg)
MANILA, Philippines — Umaabot sa 200,000 PWDs ang nakinabang sa cash-for-work program ng Department of Social Welfare and Development (DSWD) na tinawag na “BUHAYnihan”
Ayon kay DSWD Secretary Erwin Tulfo, ang programa ay layong bigyan ng kaukulang tulong ang mga PWDs para may panggastos sa kanilang pangangailangan sa araw-araw.
“Umabot din ‘yon ng halos ilang bilyon. One-point-something billion na kinuha po namin doon sa tinatawag namin na Kalahi-CIDSS program, ‘yung Kapit-Bisig Laban sa Kahirapan program po namin,” sabi ni Tulfo
Anya, ang bawat PWD ay may ibat ibang halaga na natanggap depende sa araw ng kanilang trabaho.
“Kung may iba na tatlong araw pinagtrabaho po natin, which tumanggap po ng P3,300, ‘yung iba naman po inabot ng P4,000, kaya hindi po pare-pareho ‘yung paggawa. ‘Yan po eh diyan namin hinugot po ‘yan eh sa community-driven program. So, pasok po sila dyan,” dagdag ni Tulfo.
Sinabi Tulfo na ang BUHAYnihan concept ay mula kay Pangulong Ferdinand Marcos Jr.
- Latest