Atom, limang taon nang Kapuso

Ang bongga naman ni Atom Araullo. Limang taon na mula nang bumalik ito sa GMA para gumawa ng mga documentary. Mula nga noon ay tumatak na ang mga ginagawa nito at kinilala pa sa ibang bansa.

Samantala, itinuloy niya ang pagiging Kapuso nang pumirma ulit ito ng exclusive contract sa GMA Network.

Taos puso namang nagpapasalamat si Atom sa kanyang home network at sa viewers dahil ginagawa niya ang kanyang trabaho para maka-entertain at maka-inspire sa mga ito.

The Clash 2023, may pasilip sa kanilang Top 30!

Tuloy na ang pagbabalik ng reality talent competition ng GMA Network na The Clash 2023!

Mula sa libu-libong nag-audition sa buong bansa, tanging ang mga pinakamagagaling na clashers lang ang natira. At kahapon, ipinasilip ng The Clash sa kanilang social media accounts ang ilan sa napiling Top 30 kabilang sina Jamie Elise, Arabelle dela Cruz, Isaac Zamudio, Nash Casas, at Kirby Bas.