Maid of Honor (182)

MAGKASABAY uli sina Yana at Ram sa pag-uwi. Masaya silang nagkukuwentuhan habang naglalakad.

“Nasan ang parents mo Yana?’’

“Nasa probinsiya ang Inay at Itay ko. Kasama nila roon ang kakambal kong kapatid.’’

“May kakambal ka?’’

“Oo. Babae.’’

“Identical kayo?’’

“Oo.’’

“Anong name niya?’’

“Inah.’’

“Mabait din siguro siya tulad mo.’’

“Mas mabait ako, ha-ha-ha!’’

“E di ang sarap umuwi sa inyo. Madalas ka bang magbakasyon?’’

“Hindi.’’

“Sana makarating ako sa probinsiya ninyo. May beach resort ba roon na puwedeng dalhin ko si mommy para makasagap ng sariwang ­hangin?’’

“Meron hayaan mo at sasabihin ko sa’yo. Ako ang bahala.’’

“Wow. Pangako yan Yana ha?”

“Oo, Ram. Masisiyahan ang mama mo sa beach na irerekomenda ko.”

“Kahit magkano ang bayad basta masisiyahan si Mommy.’’

“Oo Ram. Sabihin mo sa akin kung kailan.’’

“Sa summer—April. Para tapos na rin tayo sa course natin.’’

“Sige Ram.”

Nang makarating na sila sa condo, inimbitahan niya si Ram na pumasok para makilala si Ate Bianca.

“Sa Sunday na lang Yana. Punta ako ng maaga rito para makilala si Ate Bianca mo at Kuya mo.’’
“Sige Ram. Hintayin kita.’’

LINGGO. Alas nuwebe ng umaga ay nasa condo na nina Yana si Ram.

Ipinakilala niya ito kay Ate Bianca. Wala si Honor dahil overtime sa work.

“Ram, si Ate Bianca,’’ pagpapakilala ni Yana.

“Kumusta po. Meron po akong regalo para sa’yo,’’ sabi ni Ram sabay abot sa supot ng regalo.

“Salamat Ram.’’

(Itutuloy)