Basic commodities ‘di kayang bilhin ng 17.54M Pinoy - PSA

MANILA, Philippines — Inihayag kahapon ng Philippine Statistics Authority (PSA) na umaabot sa 17.54 milyong Pinoy ang hindi kayang bilhin ang mga basic commodities o mga pangunahing pangangailangan.

Sa Family Income and Expenditure Survey (FIES), nadiskubre ng PSA na ang poverty incidence sa bawat indibidwal ay bumaba sa 15.5 percent o nasa 17.54 milyong Pinoy noong 2023 mula sa 18.1 percent o 19.99 milyong Pinoy noong 2021

Ayon sa PSA, ito ay nasa 10.9 percent o 3 milyong pamilya na nasuring mahirap. Mayroon namang 2.7 percent o 740,000 pamilya ang “food poor” noong 2023 na nangangahulugan na ang kanilang kita ay hindi akma para magkaroon ng pangunahing kailangang pagkain.

Mas mababa naman ito sa 1.04 milyong pamilya o nasa 3.9 percent bilang food poor noong 2021.

Batay naman sa nagdaang SWS survey, nasa 16.0 milyon ang bilang ng Pinoy na nagsabing sila ay mahirap noong June 2024 at nasa 12.9 milyon noong March 2024.