Pangulong Marcos natuwa sa pagbagal ng ‘inflation’

MANILA, Philippines — Ikinatuwa ni Pangulong Ferdinand “Bongbong” Marcos Jr. ang pagbagal ng inflation o ang paggalaw ng presyo ng mga bilihin noong buwan ng Agosto.

Sinabi ng Pangulo na dapat na ipagdiwang ang pagbagal ng inflation dahil sa pagbawas sa taripa ng bigas.

Kaya mula sa 20.9% ay bumaba ito sa 14.7%, gayundin sa meat inflation na mula sa 4.8% sa 4.0% na malaking ginahawa aniya para sa pang araw-araw na gastusin ng mga pamilya.

Kaya sinabi ni Pangulong Marcos na palalawakin pa niya ang Kadiwa program sa Visayas at Mindanao para makatulong sa pagsisiguro na abot kaya ang bilihin para sa nakakaraming Filipino.

Ayon pa sa pangulo,sinimulan na ang controlled roll out ng African Swine Fever vaccine para sa sapat na pork supply at para maiwasan ang “price hike” sa karne ng baboy.