3rd Regular Sesyon ng Kamara binuksan na
MANILA, Philippines — Ilang oras bago ang State of the Nation Address (SONA) ni Pangulong Ferdinand “Bongbong “Marcos Jr. kahapon ay pormal nang nagbukas ang ikatlong 3rd regular sesyon ng Kamara de Representantes.
Ang Kamara at Senado ay nagsanib sa joint session upang tanggapin at pakinggan ang makasaysayang SONA ng punong ehekutibo na ikatlo sa kaniyang termino.
Samantala, inaprubahan din ng Kamara ang maraming resolusyon na nagbigay daan din sa makasaysayang talumpati sa bayan ni Pangulong Marcos.
Pinangunahan naman ng Sinirangan Chamber singers ang pag-awit ng Philippine National Anthem na sinundan ng doxology ng I Love Tacloban Quartet Singers.
Ang pagbubukas ng ikatlong Regular Sesyon ng 19th Congress ay dinaluhan ng 262 mambabatas ng Kamara sa pangunguna ni Speaker Ferdinand Martin Romualdez. Ang 1st order of business ay kinabibilangan naman ng konsiderasyon sa pag-apruba sa House Resolution (HR) No. 1799 na nagpapaabot sa Seado na may quorum ang Kamara at handa na ito sa pagtupad ng kanilang mandato.
Alinsunod sa House Concurrent Resolution (HCR) No. 27, ang Kamara at Senado ay nagsagawa ng joint sesyon para pakinggan ang mensahe ni Pangulong Marcos para sa kaniyang SONA ay ini-adopt.
- Latest
