Mga barangay na binulabog ng NPA, pinaunlad at binago ng SBDP
MANILA, Philippines — Dahil sa Support to Barangay Development Program (SBDP) ng National Task Force to End Local Communists Armed Conflict (NTF-ELCAC) ay patuloy ang pagbabago at pag-unlad ng mga mahihirap na barangay sa mga kanayunan na binulabog ng New People’s Army (NPA).
Ito ang iniulat ni NTF-ELCAC Deputy Executive Director at SBDP Action Officer Monico Batle sa isang virtual press sa pagtalakay ng temang: “Empowering Barangays: SBDP’s Success in Uplifting Conflict-Affected Communities.
Anya, naiangat na ang mga lugar na ‘conflict-affected communities’ dahil sa mga inilatag na infrastructure projects, enhancing accessibility, education, technology, at healthcare services sa mga barangay na ito, at nagbunga na rin ng kasiglahan sa mga naninirahan doon.
Ang mga regions na nalatagan ng SBDP project noon lamang 2021 ay Region 11 na may 545 projects, Reg. XIII 349; Reg. XI - 291; Reg. VI - 231; at Reg. XII - 197. Sa taong 2022, ang Reg. V ay may 341; Reg. VIII - 266; Reg. X - 167; Reg. XI , 125; at Reg. XII 104 habang top 5 SBDP beneficiaries nitong 2023 ay Reg. VIII - 126; Reg. V - 191; Reg. III - 92; Reg. IV-A - 43; at Reg. VI - 26.
- Latest
