Electrician tinodas habang naghahapunan

MANILA, Philippines – Nagmistulang huling hapunan na ng isang 42-an­yos na electrician  ang pagkain nito  kamakalawa ng gabi nang malapitang barilin ng hindi pa kilalang suspek sa kaniyang barung-barong sa Tondo, Maynila.

Kinilala ang biktimang si Feliciano Allita, may live-in partner, ng no. 208 Matiisin St., Tondo.

Batay sa ulat, alas-6:00 ng gabi ay naghahapunan ang biktima sa gilid ng kanyang barung-barong na matatagpuan sa kanto ng Road 10 at Matiisin St. nang puntahan ng suspek at walang kaabog-abog na binaril.

Nang bumulagta ay muli pa itong binaril ng suspek at nang matiyak na napuruhan ay tumakas na ito.

Isinugod naman ang biktima ng mga kaanak sa ospital, subalit namatay ito habang ginagamot.