Bakers, Gems pasok sa Final Four

Laro sa Huwebes (The Arena, San Juan City)

2 p.m. – Hapee vs Café France Bakers

4 p.m. – Cagayan vs Cebuana Lhuillier

MANILA, Philippines – Nakakuha ng solidong numero ang Ca­fé France Bakers sa ka­nilang mga guards para ta­pusin ang laban ng ba­guhang Bread Story-Lyceum Pirates, 81-68, sa pagtatapos ng PBA D-League Aspirants’ quar­terfinals kahapon sa The Arena sa San Juan Ci­ty.

Umiskor si Aaron Je­ruta ng 22 puntos at nag­tambal sila ni Rodri­gue Ebondo sa mahalagang atake sa ikatlong yugto para iwanan na nang tuluyan ang Pirates.

Kinuha ng tropa ni coach Edgar Macaraya ang quarter, 31-14, at ti­napos ang yugto gamit ang matinding 16-3 pa­litan upang ang 52-53 is­kor ay maging 68-56 ka­lamangan.

Si Jeruta ay may 22 pun­tos, habang sina Ebon­do at Sedurifa ay nag­­sanib sa 22 puntos para selyuhan ang pag­harap sa top seed at wa­lang ta­long Cagayan Val­ley Rising Suns sa best-of-three semifinals.

Nauna nang umabante sa Final Four ang beteranong Ce­bua­na Lhuillier Gems sa Jum­bo Plastic Giants, 85-81, para kunin ang ka­­rapatang sukatin ang No. 2 seed Hapee Fresh Fighters.

Si Paul Zamar ang nag­dala sa opensa ng Gems sa huling yugto.