Makakahinga ng maluwag ang Bulls
CHICAGO -- Dahil malabo pang makalaro si Derrick Rose ngayong season, ang All-Star break ay makakatulong sa Chicago Bulls.
May pagkakataon ang Bulls na huminga ng maluwag habang naghihintay pa ng pagbabalik ng kanilang star player.
Ginagawa ng Bulls ang lahat ng kanilang magagawa para manalo nang wala si Rose.
Hindi naman masama ang kanilang posisyon sa kabila ng kabiguan sa apat sa kanilang huling limang laro.
Nasa No. 5 spot sila sa Eastern Conference sa kanilang 30-22 record at 1 1/2 laro ang agwat sa na-ngungunang Indiana sa Central Division.
“We’ve got a long way to go,’’ sabi ni coach Tom Thibodeau. “We have to grind. We have to do it collectively. We have to play with great intensity. We can’t take shortcuts. When we put the work into it, we give ourselves a chance.’’
Nasa Bulls si first-time All-Star center Joakim Noah bukod pa kina Luol Deng at Carlos Boozer.
Ang tanging wala sa kanila ay ang superstar pointguard na si Rose.
- Latest
