Misaka ang gidaghanon sa nabuthan

CEBU, Philippines — Ang Department of Health Central Visayas (DOH-7) nakatala og 19 ka bag-ong mga kaso sa fireworks-related injury gikan sa duha ka sentinel and 32 non-sentinel hospitals sa Central Visayas niadtong Enero 2, 2025.

Tungod sa bag-ong kaso nga napuno, nikabat na sa 93 ang kinatibuk-ang ihap sa mga fireworks-related injuries sulod sa 12 ka adlaw sukad niadtong Disyembre 21, 2024 hangtod Enero 2, 2025.

Base sa datos sa ahensya, mas taas kini og 12 porsyento kon itandi sa miaging tuig nga 83 ra ang natala.  Sa tibuok rehiyon, ang probinsya sa Sugbo maoy dunay pinakadaghang kaso nga niabot sa 39, gisundan sa Bohol ug Negros Oriental nga dunay pito ka kaso matag usa, dayon ang Siquijor nga dunay duha.

Samtang kabahin sa tulo ka Highly Urbanized Cities (HUCs), nag-una ang Cebu City nga dunay daghang kaso nga 18 ug usa ka kaso sa naigo og stray bullet, gisundan sa Lapu-Lapu City nga dunay 14 ka mga kaso sa fireworks-related injuries, ug Mandaue City nga dunay lima.