Sea Lion, Mariners nagsalo sa liderato sa NCRAA

MANILA, Philippines - Kapwa naglista ng im­presibong panalo ang Olivarez College Sea Lions at Philippine Merchant Marine School Mariners upang agawin ang pansamantalang pangunguna sa19th National Capital Region Athletic Association (NCRAA) men’s basketball tournament sa Rizal Technological University gymnasium sa Mandaluyong nitong Lunes.

Gumamit ang Sea Lions ng bilis at full-court game upang hiyain ang Emilio Aguinaldo College-Cavite Vanguard, 76-50 para sa kanilang ikalawang sunod na panalo.

Sa kabilang banda, nakasalo ang Mariners sa Sea Lions sa unahan matapos pabagsakin ang PATTS College of Aeronautics, 91-67 sa cagefest na ito na suportado ng Molten, Mikasa ANI Agrinurture Inc.