Vietnam dapat katakutan ng mga kalaban
MANILA, Philippines - Bagamat isang club team lamang ang kakatawan sa Vietnam, magiging paborito pa rin ito sa V-League Invitational Club Championship na hahataw bukas sa The Arena sa San Juan City.
Sina power-hitters Anactaxia Trernai at Ekoterina Martynova ang aasahan ng Vietsopetro sa nasabing four-day tournament na magtatampok rin sa Malaysia, Philippine Army at Ateneo De Manila University.
“Although the two national players of Vietnam are training in China at hindi kasama sa Vietsopetro ang kapalit naman nila ay dalawang Russian players who are both six-footers,” sabi ni Moying Martelino ng nag-oorganisang Sports Vision.
Ang dalawang miyembro ng Vietnam national squad ay kasalukuyang nagsasanay sa China para sa kanilang paghahanda sa 26th Southeast Asian Games sa Indonesia sa Nobyembre.
Nakatakdang dumating sa bansa kahapon ang mga Vietnamese at Malaysian delegations.
Sina Lan Kee, Lim Lay Kuan, Josephine Goh at Nur Haizreen ang gagabay sa Malaysia, hinugot rin sina national junior players Tan Chiew Lee, Jessie Lee, Ursula Moh at Yew Sook Ting.
Unang makakalaban ng Vietsopetro ang Army, nagreyna sa Open Conference ng Shakey’s V-League Season 8, bukas ng alas-2 ng hapon sa The Arena kasunod ang laban ng Malaysia at Ateneo sa alas-4.
- Latest
- Trending
