Barili mo-host sa GUV Cup Cluster 3

CEBU, Philippines - Ang Tuburan squad gikatakdang modepensa sa men's ug women's title sa dihang ang duwa sa Cluster 3 sa 6th Governor Gwen Garcia Unity Volleyball (GUV) Cup mosikad karong adlawa didto sa Barili Sports Complex.

Ang Tuburan men's team makiggubat sa lig-ong kaatbang batok sa host Barili, Aloguinsan, Asturias ug former city cluster finalist Toledo.

Sa pikas bahin, ang Tuburan women's squad kinahanglan nga modaog batok sa Balamban ug Barili.

Ang top two performers sa men's ug women's division, segurado na nga makakuha og luna sa quarterfinals sunod buwan diha sa Cebu International Convention Center (CICC) sa Mandaue City. – BANAT NEWS