Rivera nakaungos na sa mga kalaban
TOULON, France - Gumawa ng mainit na panimula si dating World Masters champion Engelbert ‘Biboy’ Rivera ng Philippines sa men’s qualifying round ng QuibicaAMF Bowling World Cup sa pagrolyo ng five-game series na 1,181 puntos sa Bowling de Provence dito nitong Lunes.
“I don’t bow well in practice and gambled on a different game plan when we started. I bowled a little straighter and that gave me more room for error, plus I got good carry. I’m very pleased with the way I played today but there is still a long way to go,” wika ni Rivera.
Sumandig ang Pinoy bowler sa kanyang mga laro na 191, 279, 245, 207 at 259 upang ungusan sina Kwan Harn-Chieh ng Switzerland na may 1,159, 1988 World Cup winner Mohammad Al-Qubaisi ng UAE (1,145), Alejandro Reyna ng Costa Rica (1,107) at William Ching ng Venezuela (1,107).
Pumuwesto naman si Apple Posadas, ang pambato ng Philippines sa women’s division ng 17th place matapos ang unang araw na tagisan sa kanyang inilistang 1,007 para sa average 201.40 pins.
Bumandera si Malaysia’s Windy Chai sa kanyang pinagulong na 1,126 (225.20 average) na sinundan nina Korea’s Gye Min-young (1.114) Holly Fleming ng Scotland (1,090) at Dominican Republic’s Aumi Guerra (1,039).
May kabuuang 92 bansa ang lumahok ngayong taong tournament.
- Latest
- Trending
