Teletech Titans milubong sa Accenture sa Inter-BPO cagefest

CEBU, Philippines - Mikutlo sa ikalima nilang daog ang Teletech Titans pinaagi sa paglubong sa Accenture, 80-51 sa nagpadayong 6th Inter-BPO Basketball Tournament niadtong miaging adlaw didto sa City Sports Club-Cebu gym sa Cebu Business Park.

Ang Teletech sa pagpangulo ni Lourenz Limpangog mipabuhagay sa ilang mga puntos aron pagposte og 26 puntos nga labaw sa halftime, 42-16 nga nakapaluya'g maayo sa Accenture sa maong duwa.

Si Limpangog maoy topscorer sa Teletech pinaagi sa pagpabuto'g 17 puntos, gisundan ni Raul Cabahug nga adunay 16 puntos, samtang si Ivan Rodis misansan og 12 puntos.

Sa laing duwa, ang Stream Global Services mibuntog sa Eperformax sa iskor nga 64-54 sa pagpangulo nilang Roderick Mangubat ug Benjie Mancao nga nagkumboya og 32 puntos.

Ang defending champion Convergys pabiling midominar sa liderato sa ilang 5-0 nga baraha, gisundan sa Teletech ug Qualfon sa managsama nilang 5-1 (BANAT NEWS)

PUNTOS MATAG USA

Unang duwa:

Stream Global (64) - Mangubat 17, Mancao 15, Cabrera 6, Ampong 5, Flores 5, Lambo 5, Mollaneda 4, Obina 3, Velasquez 3, Molo 1

Eperformax (54) - Boncalon 10, Agua 8, Arrieta 8, Benlota 8, Paredes 6, Chavez 4, Sayre 4, Tan 4, Visoc 2

Ikaduhang duwa:

Teletech (80) - Limpangog 17, Cabahug 16, Rodis 12, Anghay 8, Dalangin 8, Abellanosa 6, Tejam 4, Biano 3, Banua 2, Imdolos 2, Mata 2

Accenture (51) - Abano 14, Permacio 11, Abarquez 8, Baynas 7, Paguia 7, Balo 2, Cabahug 2