De Luna, 2 iba pang Pinoy pasok sa Last 8

MANILA, Philippines - Mula sa kanyang tinumbok na dalawang sunod na panalo, umabante sa Last Eight si Jeffrey de Luna sa WPA World 8-Ball Pool Championship sa Fujairah Tennis Club sa UAE

Matapos talunin si Indonesian bet Ricky Yang, 10-8, sa Last 32, iginupo naman ni De Luna ang kababayang si Lee Van Corteza upang pumasok sa Last 8 ng nasabing week-long event na may basbas ng World Pool Billiard Association (WPA).

Tumuntong rin sa Last 8 sina Venancio Tanio at snooker specialist Joven Alba ka­sama sina Ruslan Chinakhov ng Russia, Niels Feijen ng the Netherlands, Andreas Roshkowski ng Germany, Karl Boyes at Darren Appleton ng Great Britain, ang 2008 WPA World Ten-Ball champion.

Tinalo ni Tanio si Jalal Al Saresi ng UAE, 10-6, kasunod si 2007 WPA World 8-ball titlist Ronnie Alcano, 10-4, habang sinibak naman ni Alba si Oliver Medanilla, 10-3, at ang kababayang si Antonio Gabica, 10-8.

Binigo naman ni Chinakhov ang ka­­salukuyang WPA World Ten-Ball cham­pion na si Mika Immonen ng Finland, 10-5, at si Yukio Akakariyama ng Japan, 10-7.

Pinatalsik ni Feijen sina Basher Hussain ng UAE, 10-5, at 2009 WPA World 8-Ball champion Ralf Souquet ng Germany, 10-9, samantalang ginitla ni Boyes si Masaki Tanaka ng Japan, 10-3, at si Stephan Cohen ng France, 10-6, at pina­hiya ni Appleton sina John Morra ng Canada, 10-4, at Pin Yi Ko ng Chinese-Taipei, 10-4.