ABL fan nanalo ng Melbourne trip

MANILA, Philippines - Isang basketball fan na si Karl Chan ang sinuwerte matapos manalo ng AirAsia ticket sa kahit na anung airline’s destination sa nakaraang laro ng Phi­lippine Patriots sa ASEAN Basketball League (ABL) sa Kuala Lumpur, Malaysia.

Tinalo ni Chan, nakasama ng Patriots sa Kuala Lumpur matapos manalo sa free throw contest sa laro ng Patriots kontra sa Indonesian Satria Muda BritAma noong Dec. 5 sa The Arena sa San Jan, ang 11 pang participants sa halftime free throw contest.

Ayon kay RP Patriots operations manager Al­bert Tirona, pinili ni Chan ang Melbour­ne, Australia trip bilang prem­yo.

Sa Kuala Lumpur, pi­natira ng isang basket ang mga kalahok at na­ka-shoot sina Chan at ang isang Malaysian pa­ra makapasok sa fi­­nals.

Limang attempts ang ibinigay sa mga finalists kung saan naipasok ng Malaysian ang kanyang unang attempt ngu­nit nagmintis na sa kanyang mga huling pagtatangka.

Sumablay man si Chan sa unang tira, na­­ipasok niya ang su­mu­nod para sa premyo.